En heyrið mig nú, hæjó spæjó. Í dag er ég búin að halda að það væri 4. maí, og 5. maí, og 12. maí. Ekkert af því var rétt. Ég veit bara ekkert hvaða dagur er í dag. Nú er ég að gá. Það reynist vera 10. maí. Ekki bjóst ég við því. Það er ekkert grín að vera svín.

Hún María og ég, við finnum okkur stundum eitthvað sniðugt til að gera, í staðinn fyrir að læra. María bakar stundum kökur:

Og hún skreytir þær, og stundum hjálpa ég henni. Í þetta skipti fór þó ekki betur en svo að ég klíndi smjörkremi í hnésbæturnar á mér, eins og sést á eftirfarandi mynd, sem kemur núna. MYND:

En við létum hvorki deigan síga, né heldur deigið. Þvert á móti reis deigið og reis, og Arna líffræðikennari holdgervðist í ofninum, en lét ekki þar við sitja heldur lét sér vaxa ógurlega kryppu. María og ég vorum ekki vissar um hvort við ættum bara að hafa hana fyrir kryppling, eða hvort við ættum að skera baklægt þykkildið af og skella því á hina hliðina á Örnu; því það gæti kannski orðið henni hvati til að fallast á að ganga með bekkjarbarnið. Sem umsjónarkennara með leg ætti henni jú að vera það ljúft og skylt. Kviðlæga tillagan varð því ofan á. Hún náði hins vegar ekki lengra en svo, að kryppan var skorin af, og svo át faðir minn tilvonandi bekkjarbarnið. Arna sjálf komst þó heilu og höldnu í skólann, sem og náfrænka hennar "BLEIKA BOMBAN" eins og hún sjálf kaus að kalla sig. Hún er á þessari mynd sem kemur næst:

Þær voru báðar etnar og gerður góður rómur að. Flestir bekkjarfélagar lögðu humar eða eitthvað gotterí til málanna og úr varð heljarinnar veisla. Næst þegar við María gerum bleika bombu verður henni þó ekki kastað fyrir soltna bekkjarfélaga heldur verður hún seld á basar til styrktar rannsóknum á brjóstakrabbameini. Þetta var grín, þið sem hélduð að ég væri ekki nógu harðbrjósta til að grínast með svona. Jæja, ég held ég verði að segja brjóst nokkrum sinnum enn: Brjóst, brjóst brjóst. Vonandi skilar þetta mörgum klámþyrstum gestum inn á síðuna.

Þessi skóladagur var síðasti skóladagurinn okkar í 5.Y. Enginn þarf þó að vera hryggur yfir því, því ef Guð lofar verðum við ennþá sami bekkur á næsta ári. Þá verðum við 6.Y. Bróður mínum finnst það gýsifyndið. Og þó skilur hann ekki til hlítar hvað sexy þýðir. Nei, nú ég stenst ekki mátið lengur: Sexy sexy sexy. Paris Hilton, Britney Spears. Svona verður maður nú dónalegur af því að hlusta á tóma dónatónlist. Prince, hann hefur til dæmis örugglega bara hlustað á einhverja dónatónlist, dónalegur eins og hann var við Paris Hilton, sem ég einmitt nefndi hér framar í færslunni. Stelpuskinnið bara togað upp á svið og skipað að syngja. Og Prince síðan bara með blammeringar og efasemdir um það hvort hún gæti nokkuð sungið. Svona má nú ekki láta, þótt maður eigi dýrindis púff-skyrtu og skræpóttan jakka, og kunni mörg lög eftir sjálfan sig um káf og kynlíf. Það væri þó gaman að eiga svona skyrtu. Og svona væri hægt að fá í stíl á bekkjarbarnið. Ahh, bekkjarbarnið. Vonandi verður 6.Y nógu sexí til að búa til bekkjarbarn. Í alvöru samt. Áður en einhver busabekkur verður á undan.

Ég er hérna í tölvunni, þessi tölva er tryllt stuð-tölva og það koma trylltir stuð-smellir þegar maður smellir.