21.4.05
Lakkrís og húmmus?M-hm. Svo sannarlega. Eins gott og það hljómar hræðilega illa.
Gaman á gusgus.
Sveitti: "Öööð, hvað heitir vinkona þín?"
Saga: "Hún heitir dansari og á sér ekkert heimaland!"
Gaman gaman og subbudans.
Ég fékk annað Nígeríusvindlbréf, það var frá Suður-Afríku. Mér fannst það skemmtilegt.
Gleðilegt sumar. Þetta var það fyrsta sem ég fékk að heyra í morgun eftir sex tíma svefn, samtímis því sem ég fékk badmintonfjöður í munninn og var barin í höfuðið með badmintonspöðunum sem systkini mín höfðu fengið í sumargjöf. En veðrið ljúft og ekki annað hægt en að brosa. Í alvöru er mér það eðlisfræðilega ómögulegt að brosa ekki mót sólu.
Gleðilegt sumar.
|
sigrún ybbaði gogg klukkan 21:49
18.4.05
Herra Sigvaldi
Í dag hló ég mikið, allt of allt of mikið, að því hvað það væri fyndið að víkja sér í tíma og ótíma að fólki alvarlegur í bragði og segja "Heyrðu," eins og manni lægi eitthvað ótrúlega aðkallandi eða mikilvægt á hjarta, og segja svo "geturðu lánað mér blý?" eða eitthvað ámóta hversdagslegt.
Systir mín Margrét stundaði það svo í allan dag að leika við mig "Hver er maðurinn" án þess að spyrja fyrst hvort ég vildi vera með. "Maðurinn" var alltaf hún sjálf. Og það sem við hlógum að henni, ég og hún. Þetta er sama systir mín og spurði hver það væri eiginlega sem fléttaði alla negrana.
Mér er illt í skopskyninu. Og með sting í fíkninni.
Þetta er handa Sögu sem er sæt og góð og alls enginn fauti, því ég er búin að fyrirgefa vorum skuldunauti. Ha, ha. Rímgrín.
Minntist einhver á bjórsvolgrandi Jesúsa? Sem hvorki svolgra bjór né eru mjög kristilegir? Ha?
|
sigrún ybbaði gogg klukkan 02:26
3.4.05
SMSbloggfærslu sendi ég
Sent með GSMbloggi Og Vodafone
|
sigrún ybbaði gogg klukkan 08:43
2.4.05
Í Catan
Svo fór ég til útlanda. Kannski verður myndasaga seinna. Ef ég nenni því.
Þeir sem þekkja til mín vita kannski að ég á það til spyrja fólk hvefsin, þegar það gefur minnsta tilefni til, hvort það sé að segja að ég sé feit. Í dag sagði pabbi mér svo frá því að hann hefði verið að borða samloku í vinnunni. OG ÞÁ:
Vinnufélagi hans: Já svona samloku fékk ég mér alltaf áður en ég fór í megrun.
Pabbi: Ertu að segja að ég sé feitur?
Vinnufélagi hans: Uhhhhhhh (verður eins og kúkur) Nei þú ert mjög myndarlegur.
Pabbi: Ertu að segja að ég sé sætur?
Og svo sló hann vinnufélaga sinn utanundir.
Ég ætla að fara að sofa núna.
|
sigrún ybbaði gogg klukkan 20:22
| maystar designs |