17.11.04
Ó, þú auðleysti koparklór!Hvað á að gera ef maður á engin gúmmístígvél?
|
sigrún ybbaði gogg klukkan 01:07
3.11.04
Ganvatelvur
-Jafnvel þegar andagiftin nær hámarki, get ég ekki skrifað meira en svona tvær línur af samfelldum texta frá eigin brjósti. (Nema auðvitað undir álagi og á nóttunni)
-Ég hef einbeitingu á við hænsn.
-Undir álagi vill líka svo til að vöðvarnir í munninum á mér spennast allir upp, og ég fer að tala eins og vélbyssa... eða svona, já, vond, ryðguð vélbyssa sem er erfitt að hitta með. Ég allavega tala alltof hratt og óskýrt.
Nú, þegar ég velti þessu fyrir mér vandlega á ég mjög erfitt með að skilja hvers vegna ég ákvað að taka þátt í einhverri fokking innanskólaræðukeppni sem skiptir engu fokking máli. Við þetta bætist að mig langar ógeðslega lítið til að eyða öllum föstudeginum frá 00:00 til 15:00 í streitu og svita, skrifandi eitthvað andlaust ógeð, en þekkjandi sjálfa mig veit ég að sú verður raunin. Ó mig auma, ó þögla angist, ó þú ljúfsára kaldhæðni... bla bla, ég á ógeðslega bágt.
En það er ljós í myrkrinu, frelsandi engill, sól ofan skýjanna: PEPSI MAX
Ef ég væri skrifandi eins og manneskja myndi ég semja einhverja upphafna lofræðu, en þúst, já: ef ég ætti páfagauk, myndi ég kalla hann Pepsimax.
Sölvi fær þakkir fyrir ástarbréfið. Hvað á ég að gefa honum fleira? Ööö... hann fær líka heiðursnafnbótina Sölvi "Ástarbréfberi" Amors- og Erosarson sæti með kúk í fæti. Svo fékk ég líka bréf frá Benson Ugbona, sem ætlar að gefa mér sjömilljónkall ef ég legg fyrst eitthvað svona pínu smá inn á hans reikning. Geðveikt fínn gaur. Hann fær heiðursnafnbótina Benson "Geðveikt fínn gaur" Ugbona. (Ég var samt í alvörunni frekar glöð að fá svona Nígeríusvindlbréf, einhverra hluta vegna)
Annars er ég bara svona búin að vera að strá svívirðingum, uppgötva mitt sanna eðli og tilhneigingar, prinsar, orðrómar með skemmtunargildi meira en sannleiks. Já já, rassgat.
|
sigrún ybbaði gogg klukkan 01:20
| maystar designs |